Ақтөбеде экс-полицей бүлік ұйымдастырды деген күдікке ілінді

Ұйымдасқан қылмыспен күрес басқармасының бұрынғы қызметкері Қуат Шамұратов Ақтөбеде жаппай тәртіпсіздіктің бастамашысы болды деген күдікке ілінді.

Диапазон басылымының хабарлауынша, Шамұратов басқармада 10 жылдан аса уақыт жұмыс істеген. Кейін басқармадан кетіп, өз кәсібін ашқан.

Қазіргі таңда бұрынғы полицейдің үстінен ҚР Қылмыстық кодексінің 272-бабының 1-бөлігі бойынша қылмыстық іс қозғалған.

Шамұратовтың анасы «ол төрт баланың әкесі және ондай әрекетке бармайды деп отыр».

«Балам наразылыққа соңынан қосылған. Ол қалай ұйымдастырушы болады?» дейді Шамұратовтың анасы Маржан Серікбаева.

Ал күдіктінің әкесі Болат Шамұратов наразы топ оны сайлағанын, бірақ ол оған қатыспағанына сендірді.

«Тәртіпсіздікке шыққандар бастамашыл топ сайлады, бірақ Қуат оның құрамына кірмеді. Наразылыққа шыққандар арасында агрессивті жастар пайда болған кезде Қуат полиция шақырған. Балам кінәлі емес екенін айтты. Кінәсін мойындату үшін аяусыз соққыға жыққан. Оны емделуге жібермей отыр. Адвокаты Тоқаевқа өтініш жазды» дейді Болат Шамұратов.

Әзірге жауапты органдар ешқандай түсініктеме бермеді.