Ақтөбеде ғимараттың шатыры мен екінші қабаты құлады

«Даму» қорының Ақтөбедегі филиалының ғимаратында шатыры мен екінші қабаты құлады. «Ауыл шаруашылығын қаржылай қолдау қоры» филиалының қызметкері ауыр халде жатыр.

Бұл туралы Orda.kz хабарлады.

Ақтөбе облысы Денсаулық сақтау басқармасының басшысы Рүстем Исаевтың айтуынша, қазіргі уақытта 1988 жылы туған зардап шегуші ауыр халде жансақтау бөлімінде жатыр.

- Оның бірнеше қабырғасы сынған, жабық ми жарақаты бар. Дәрігерлер оны қалпына келтіру үшін қолдан келгеннің бәрін жасауда, - деп түсіндірді Рүстем Исаев.

ТЖД баспасөз қызметінен хабарлағандай, 1 қыр қыркүйек күні сағат 19:25 екінші қабатқа төтеп бере алмаған шатырдың құлауы туралы хабарлама келіп түсті. Төтенше жағдай орнына құтқарушылар дереу шықты. Үйінділер астынан 5 адам шығарылды.

- Құлау себептерін мамандар анықтайды. Істің барлық материалдары полицияға тапсырылды, - дейді Ақтөбе облыстық ТЖД баспасөз хатшысы Гүлжанат Нағыметова.

ПД баспасөз қызметі ҚР ҚК 156-бабы 2-бөлігі бойынша қылмыстық іс қозғалғанын хабарлады.

- Құлағаннан кейін ғимарат аумағын біздің қызметкерлер қоршап алды. Оқиға орнына алдын ала тексеру жүргізілді, - деді облыстық ПД баспасөз қызметінің басшысы Ерболат Сарқұлов.

Бұл ғимаратты жалға алған бірнеше ірі ұйымдардың жұмысы тоқтады. Олардың қатарында «Даму» және АШҚҚҚ-дан басқа, бұл «ҚазАгроҚаржы» АҚ филиалы, «Алға КТ» ЖШС, сондай-ақ жеке нотариус және бағалау компаниясы бар.

Кейін түскен ТЖД хабары бойынша, ауыр жарақаттардан бір әйел ауруханада көз жұмды.