Ақтөбеде газ бағасы 50 теңгеге дейін төмендеді – әкімдік

Шерушілер сұраған екі мәселе өз шешімін тапты. Бұл туралы Ақтөбе әкімдігі Instagram парақшасында жазды.

Шерушілердің талабы бойынша қаладағы митингіде ұсталғандар босатылып, сұйытылған газдың литрі 50 теңгеге дейін арзандатылды.

Еске салсақ, желіде Ақтөбедегі теміржол өткелін жауып тастаған видео пайда болды. Көліктер, пойыздар және адамдар қозғалысы тоқтатылды.

Сондай-ақ, қалалық алаң аумағында бірнеше адам ұсталды.

Маңғыстаудағы наразылыққа не себеп болды?

Маңғыстау облысында газ бағасының күрт көтерілуіне байланысты наразылықтар Жаңа жылдан кейін бірден басталған. Акциялар облыстың Жаңаөзен, Құрық, Ақшұқыр, Ақтау және басқа елді мекендерінде өткен. Газдың құны 120 теңгеге дейін қымбаттаған. Халық бағаны төмендетуді талап етті. Газдың бағасы Маңғыстауда да 50 теңгеге дейін арзандатылды.