Ақтөбеде есірткіні заңдастыру сұралды

Instagram-да ақтөбелік полицейлер есірткімен қалай күресетінін айтып берді.

Бұл туралы Orda.kz хабарлады.

Спикерлердің қысқаша есептерінен кейін қатысушылардың ең алғашқы сұрағы Ақтөбеде марихуана қашан заңдастырылатындығы туралы болды.

Есірткі қылмысына қарсы іс-қимыл басқармасының бөлім бастығы Асхат Асқаров бұл сұраққа жауап берді.

- Посткеңестік мемлекеттерде еуропалық елдердегідей есірткіні заңдастыруға мүмкіндік бермейді. Тәжірибе көрсеткендей, бұл елдерде туристерді тарту үшін есірткі заңдастырылған. Біздің жағдайда есірткі әрқашан есірткі болып қала береді және оған әрдайым тыйым салынады, – деп жауап берді Асхат Асқаров.

Сондай-ақ, полицейлер өткен жылмен салыстырғанда Ақтөбеде тәркіленген есірткі саны екі есеге артқанын атап өтті. Осы жылдың 7 айында полицейлер 235 келі есірткі заттарын тәркілеген. Өткен жылы осы кезеңде бар болғаны 111 келі болған. Ақтөбеде синтетикалық есірткі көбейіп кетті: осы жылдың 7 айында 500 грамм «синтетика» тәркіленсе, өткен жылы барлығы 9 грамм болған.