Ақтөбеде балалар автобусы отқа оранды

Бүгін Ақтөбеде балалар автобусы отқа оранды. Белгілі болғандай, «ПАЗ» маркалы автобусын №18 мектеп жалдаған.

Диапазон басылымының хабарлауынша, ата-аналар бұған дейін де автобусқа шағымданған. 4 жылда мектеп автобусы бірнеше рет бұзылған.

«Қызымның сөзінше, автобус жүріп келе жатқанда іші қою түтінге толған. Жүргізуші есікті ашып, балаларға шығу керегін айтқан. Автобус лық толы болыпты. Қуанышқа орай, енді тұтанған жалынды өрт сөндіргіштің көмегімен ауыздықтады. Автобусты ауыстырып беруді сұрағанымызға осымен төртінші жыл болды. Себебі үнемі бұзылып, жиі жөнделеді. Есік бұғатталып қалмай балалар сыртқа шығып үлгерген» дейді ата-аналарды бірі.

Ал қалалық білім беру бөлімі мектепке басқа автобус берілетінін алға тартты.