Ақтөбеде анасы қызын шенеунікпен жақындасуға итермелеген

ҚР Ішкі істер министрі Ерлан Тұрғымбаев кәмелет жасқа толмаған балалар туралы ой қозғады. Ол өзінің баяндамасында 2020 жылы елді шулатқан жағдайды еске салды.

Бұл туралы Orda.kz хабарлады.

– Өткен жылы Ақтөбе облысында 16 жасқа толмаған қызбен бірнеше рет жыныстық қатынасқа түскен шенеунік педофилдік күдігімен ұсталған. Оның үстіне, жеке көзқарастары үшін анасының өзі қызын осындай әрекетке баруға мәжбүрлеген, - делінген министрдің ҚР Судьялар одағының «Заңгер» журналында жарияланған мақаласында.

Министр күдікті қамауда екенін айтты. Ал қызын жезөкшелікке итермелеген анасының үстінен қылмыстық іс қозғалды. Тергеу амалдары жүргізіліп жатыр.

Министр мұндай қылмыстар әдетте жасырын болатынын айтты. Сондықтан да олардың алдын алу қиын.

Еске салсақ, кәмелетке толмағандардың жыныстық қол сұғылмаушылығына қарсы қылмыстардың 70%-дан астамын балалар сенетін немесе тәуелді болған жақын адамдары жасайды. Яғни, әкелері, анасымен бірге тұратын азаматтар, өгей әкелер, туыстары және көршілері.