Ақтөбеде 10 жасар қызға тиіскен шетелдік сотпен елден шығарылады
Ақтөбеде егде жастағы белгісіз ер адам оқушы қызды қорқытып, мектепке дейін еріп барған. 10 жастағы қыз баланы тәттімен алдап, сабақтан қайтарда күтіп алған ер адам әкімшілік жазамен жауапқа тартылады.
Оқиға 19 сәуір күні Актөбе қаласындағы №2 мектеп-гимназиясында тіркелді. Екінші ауысым кезіңінде сабаққа келе жатқан 3 сынып оқушысына бейтаныс ер адам тиіскен.
Оқиғаның жай-жапсарын қыздың анасы әлеуметтік желіге жазды.
«Қызым мектепке бара жатып дүкенге кірген. 60 жастан асқан ер адам оған тәтті алып береді. Кейін қызыммен бірге мектепке еріп барып, дөрекі түрде оның атын, мектебін, сыныбын сұрап алған. Ол қорыққанынан жауап береді. Сабақ соңында қызымды іздеп келіп, «сурет беремін» деп мұғалімге дейін барған. Абырой болғанда мұғалімдер бірден шара қолданып, ер адамды шығарып жіберген» деп жазды оқушының анасы.
Белгісіз ер адамның оқушының туысы емес екенін байқаған мұғалім бірден оқушыларды үйге жібермей, ата-аналарының алып кетуін сұрады.
«Сабақ басталардан бұрын оқушымен бірге мектеп ауласына келген. Сабақ соңында қайта келген. Мектеп әкімшілігі бөгде адам жүргенін бірден байқады. Балаға жақындауға құқыңыз жоқ деп мектеп ауласынан шығарып жіберді» дейді №2 мектеп-гимназия директоры Сәния Дәнішева.
Мектеп басшысының айтуынша, полицияға арызды ата-ана түсірген. Облыстық полиция департаменті қоғамдық орында кәмелетке толмаған балаға тиіскен 1961 жылғы ер адамға әкімшілік іс қозғалғанын хабарлады.
«Сот шешімі қабылданған соң, мемлекеттен шығару шаралары қарастырылады. Оның айтуынша, 19 сәуір қайтыс болған әкесін еске алу күні дүкенде кәмелетке толмаған қыз балаға кәмпит ұсынған, кейін мектепке барып, оған өз қолымен салған суреттерді бермек болған» дейді облыстық ПД баспасөз қызметі.
Ата-аналар болса әлі де үрей құшағында отыр. Тиісті мекемелер мұндай мәселені бақылауда ұстағаны жөн деп санайды.
Қалалық білім бөлімі мектепте қауіпсіздік шараларын күшейтуді тапсырған.
Авторы: Ардақ Ерубаева
Жаңалықтар
- Хоккейшілеріміз 2024 жылғы әлем чемпионатының басында Францияны жеңді
- Армения мен Әзірбайжан сыртқы істер министрлері Алматыда екі күндік келіссөздерін аяқтады
- Шымбұлақ 13 мамырдан бастап аспалы жолдарды уақытша жабады
- Қазақстандағы жаңа мемлекеттік мекемеге шамамен 2 миллиард теңге жұмсалады
- Атырау облысында Жайықтың суы көтерілуде
- 12 мамыр елімізде Аналар күні мерекесі
- Қазақстан бірқатар елдермен ынтымақтастықты арттыруға ниетті
- Жайық өзеніндегі қатты ағыстан жеті адам құтқарылды
- Сәкен Мамаштың әйелі көп жылғы жан түршігерлік азаптың жай-жапсарын айтып берді
- Ежелгі Сарайшық қалашығын су басу қаупі төніп тұр
- Қазақстанның 16 облысында дауылды ескерту жарияланды
- Теледидарлар мен ноутбуктер айтарлықтай қымбаттады
- Археология ғылымының атасы Әлкей Марғұланның 120 жылдығы
- Голан биіктеріндегі қазақстандық бітімгерлердің жалақысын БҰҰ төлейді
- Жезқазғанда арнайы жасақ қарулы жүргізушіні ұстады
- Еліміздегі су тасқынынан зардап шеккендерге 8,5 млрд теңге төленді
- Президент Әкімшілігінің басшысы мемлекетке қайтарылған заңсыз мүліктің қайда жіберілетінін айтты
- Атырау облысында төртінші күннен бері қорғаныс бөгеттері «көп суды» ұстап тұр
- Мемлекеттен 1,5 миллионға жуық қаржы тегін беріледі
- Қазақстанның 12 қаласында жылу желілері 60%-дан 91%-ға дейін тозған