Ақтөбе тұрғыны мемлекетке 650 миллион шығын келтірді

Ақтөбе тұрғыны мемлекетке 650 миллион теңге шығын келтірді. Қаржы мониторинг агенттігі Ақтөбеде нақты жұмыс жасамай және тауар жеткізбестен жалған шот-фактуралар жасау бойынша заңсыз әрекеттерді тоқтатты.

Ақтөбе қаласының тұрғыны 2017 жылы тоғыз компания құрып, өз атына ЖШС ретінде тіркелгені анықталды. Мемлекетке келтірілген залалдың мөлшері 650 миллионнан астам теңгені құрады.

«Ақтөбе сотының үкімімен оған үш жыл алты ай мерзімге бас бостандығынан айыру жазасын тағайындай отырып, ҚР Қылмыстық кодексінің 216-бабы, 3-бөлігі бойынша қылмыстық құқық бұзушылық жасағаны үшін кінәлі деп танылды. Ол 10 жыл мерзімге коммерциялық ұйымдарда басшылық лауазымдарды иелену құқығынан айрылды», - делінген хабарламада.