Ақтөбе облысының су қоймаларына мұнай төгілді

Жергілікті белсенділер қоймадан мұнай төгіліп, бірден бірнеше  өзенге құйылғанын айтады.

Құзырлы органдар ешқандай мұнай төгілмеді деп отыр, ал судағы түрлі-түсті шырыш шаруалардың техникасынан және жауын-шашынмен бірге келген.

— Жанар-жағармайдың төгілуі ауылда (Қарғалы ауданы, Жусалы) жанар-жағармай сақтайтын цистернаның шүмегі жабылмағандықтан болды. Алғашында жағармай  Жусалы бөгетіне, одан Кемпірсайқа мен Қуағашқа құйылды, бұлар шағын дала өзендері. Олардың суы Қарғалы су қоймасына құйылады. Эко-қорғаушылар  Төтенше жағдайлар департаменті мен балық инспекциясына шағымданды. Су қоймаларын дереу тазалау керек! – дейді эко-белсенді Александр Мандрыкин  «Диапазон» басылымына.

Алайда, балық инспекциясы жағармайдың  өзендерге құйылмағанын, тек бөгетке ғана түскенін айтады. Олардың айтуынша жағармай мүлде жанармай қоймасынан емес, шаруалар қолданатын техника арқылы қар мен жаңбырмен келген.

Жергілікті экологтар оқиға орнына барып, зерттеу үшін бөгеттен ғана су үлгілерін алған, ал департамент қызметкерлері өзендердегі суды зерттемеген.