Ақтөбе облысында зорлау ісі бойынша сотталған ер адам кінәсіз болып шықты

Ақтөбе облысында зорлау ісі бойынша сотталған ер адам жазықсыз болып шықты.

«Апелляциялық шағым бойынша облыстық сотта зорлау ісі қаралды. Сот алқасы істі сұрыптап, айыптау үкімін жойып, сотталушының қылмысқа қатысуы туралы айғақтардың болмауына байланысты оны толық ақтады. Сот алқасы сотқа дейінгі тергеп-тексеру барысында қылмыстық іс жүргізу заңнамасының нормаларын өрескел бұзуға жол берілгенін анықтады. Ал үш сот-медициналық сараптама сотталушының қылмысқа қатыстылығын растамады» деп хабарлады Ақтөбе облыстық сотының баспасөз қызметі Диапазон басылымына.

Еске салсақ, 2021 жылдың соңында 30 жастағы ақтөбелікке зорлады деген айып тағылып, ол бірнеше жылға бас бостандығынан айрылған болатын. Енді ақталған адам заңсыз жауапкершілікке тартылғаны үшін мемлекеттен өтемақы өндіріп алуға құқылы.