Ақтөбе облысында жарылған газ баллоннан он жасар бала қайтыс болды

Түн ортасында Ақтөбе облысы Төтенше жағдайлар департаментінің жедел қызметіне өрт туралы хабарлама келіп түсті. Өрт Ақтөбе облысы, Мұғалжар ауылындағы бір қабатты тұрғын үйде газ баллонының жарылуынан болған. Құтқарушылар, полиция қызметкерлері мен дәрігерлер оқиға орнына Ембі өрт сөндіру бекетінен 37 шақырым жол жүруге мәжбүр болды.

-Өрттің ауданы 80 шаршы метр, жарылыс салдарынан үйдің қабырғалары құлаған. Оқиға орнында өрт сөндірушілер 2010 жылы туған баланың денесін тапты. Сонымен қатар 1968 және 1998 жылы туылған екі адам жарақат алған. Олар әртүрлі дәрежедегі күйікпен ауруханаға жеткізілді. Оңдасын Оразалин оқиғаның мән-жайын түсіндіру үшін арнайы жедел комиссиямен жұмыс істеп жатыр, - деді облыстың ТЖМ.