Ақтөбе облысында танысы зейнеткердің атынан несие алды

Ақтөбе облысында қарт кісі өз атында тіркелген онлайн-несиені байқады. Ол тәртіп сақшыларына арыз жазды, деп хабарлады Orda.kz Polisia.kz-ке сілтеме жасап.

Егде жастағы адамның айтуынша, танысы оның хабарынсыз микрокредиттік ұйымнан шамамен 100 мың теңге көлемінде онлайн-несие алған. Жәбірленуші несие туралы сот орындаушылары оны шақырып, ай сайынғы төлемнің кешіктірілуі туралы ескерткен кезде білді.

Аудандық полиция қызметкерлері осы қылмысты жасады деген күдікпен жәбірленушіге несие алуға көмектесемін деп уәде берген 28 жастағы жігітті ұстады. Күдікті өзінің паспорттық деректері мен интернет-ресурстарын пайдалана отырып, микрокредиттік ұйымдарға жүгінген.

Алаяқ алған қаражатын өзінің есепшотына аударып, алданған адамдарға банк несиені мақұлдамағанын айтқан. Аталған факт бойынша ҚР Қылмыстық кодексінің 190-бабы «Алаяқтық» бойынша сотқа дейінгі тергеу амалдары жүргізілуде.