ТЖМ хабарлауынша Ақтөбе облысында төрт геолог адасып кеткен. Кешеден бері іздеу жұмыстары басталып, Еурокоптер тікұшағы іздеу жұмыстарына кірісті.

Төтенше жағдайлар департаменті хабарланғандай, 25 қарашада геологтар УАЗ автокөлігімен Қарабұтақ ауылы – Талдық ауылы – Қайыңды ауылы – Қайрақты ауылы бағыты бойынша шығып кеткен. Соңғы рет олар қарашаның 25-і күні кешке Талдық ауылына жетпей хабарласқан.

 «Әйтеке би ауданында 25 қараша күні таңғы сағат 10-да «УАЗ» көлігімен Қарабұтақ ауылы – Талдық ауылы – Қайыңды ауылы – Қайрақты ауылы бағытында кетіп қалып, байланысқа шықпаған төрт геолог іздестіріліп жатыр. Соңғы рет олар 25 қараша күні сағат 18:00-де Талдық ауылына жетпей телефон соққан» деп хабарлады ТЖМ баспасөз қызметі.

Бүгінде 33 адамнан тұратын бес іздестіру тобы мен сегіз техника бар. Бүгін таңертең «Қазавиақұтқару» Еурокоптері Ақтөбе-Құмсай-Қайрақты-Қайыңды-Милысай-Аралтоғай бағыты бойынша әуеден іздеуге шықты.

Бөлісіңіз: