Ақтөбе маңында бір үйдің  үш баласы тірідей жанып  кетті

Ақтөбе маңында жан түршігерлік оқиға болды. Lada Largus көлігі мен жүк көлігінің соқтығысуы салдарынан 2007, 2009 және 2021 жылы туған үш бала қайтыс болды.

Олардың барлығы көлікте әкесімен бірге болған.

Соқтығыстан  кейін көлік отқа оранып, балалар көлік ішінде қалып, тірідей жанып кеткен. Әкесі қашып үлгерген. Ол жарақат алып, қазір ауруханада жатыр.

«Lada Largus автокөлігінің жүргізушісі басып озуға арналған жолақтың бос екеніне көз жеткізбей, DAF (жүк көлігі) көлігімен соқтығысқан. Осыдан кейін Lada Largus арыққа түсіп кетіп, кейін өртке оранған» деп хабарлады Ақтөбе облысының полиция департаментінен.

Полицейлер жол қозғалысы ережелерін сақтау керектігін ескертті.