Ақтөбе әкімі туған күніне ерекше құттықтау алды

Ақтөбе әкімі Асхат Шахаров өзінің туған күнінде ерекше құттықтау алды. Ол сонау Африкадан жолданған.

Бұл туралы Orda.kz хабарлады.

Видео желіде лезде тарады.

3 қазан Ақтөбе әкімі Асхат Шахаров 43 жасқа толды. Көптеген спорттық атақ ие, дзюдо мен самбодан еңбек сіңірген спорт шеберіне құттықтау-сәлемдеме Африкадан келді.  

Видеода кеудесі жалаңаш жігіттер «Асхат Шахаров, туған күніңмен» деп айқайлады.

Видеодағы жігіттердің бірі әкімнің суретін сүйді. Артынша, оған арнап, би биледі. Юрий Шатуновтың әніне билеп, шенеунікке «жүрек» жіберді.

Еске салсақ, жақында Өскемен қаласының әкімі Жақсылық Омар ұқсас сәлемдеме алған. Онда жігіттер оны «үздік әкім» деп атады. Кейін оның шығармашылық бизнес-жоба екені айтылды. Жігіттер әкімнен кешірім сұрады.