АҚШ вакциналардың тарауын тежеп жатыр

AstraZeneca және Johnson & Johnson жетекші коронавирустық вакцина өндірушілері АҚШ-тың экспорттық бақылауына байланысты әлемдік вакцина өндірісіне қауіп төнуі мүмкін деп ескертті. Бұл туралы Financial Times хабарлады.

Biological Е фармацевтикалық компаниясының атқарушы директоры Махима Датла басылымға вакцинаны жеткізу қиындықтары жайлы мәлімдеді. Американдық вакцина шығарушы компаниялар АҚШ-тың алдыңғы президенті Дональд Трамп 2020 жылдың наурыз айында қол қойған қорғаныс өндірісі туралы заңның әсерінен вакцинаны тарата алмай отырғандарын айтты.

Әлемдегі ең ірі вакцина өндірушісі — Үндістанның сарысу институтының атқарушы директоры Адар Пунавалла қорғаныс өндірісі туралы заң вакцинацияның жаһандық таралуына нұқсан келтіруі мүмкін деп атап өтті.

— Біздің Novavax вакцинасын өндіруші компания Америка Құрама Штаттарынан өнімдерге мұқтаж ірі өндіруші болып табылады. Егер өндірушілер АҚШ-тан шикізат ала алмаса, онда бұл айтарлықтай шектеуші фактор болады.