АҚШ Украинаның болашағына қатысты болжам жасады

АҚШ Ресей Украинаны үш күнде басып алады деген болжам жасады. Олардың айтуынша, көп ұзамай Украина қарсыласуын қояды.

Newsweek мәліметі бойынша, мұндай пікірді Ресеймен ұзақ жылдар бойы тығыз байланыста болған барлау қызметінің бұрынғы аға офицері білдірген.

«Авиация мен артиллерия аяқталып, нағыз жер үсті соғысы басталғаннан кейін, менің ойымша, Киев бірнеше күннен кейін құлайды. Әскерилер біраз уақыт қарсылық көрсетуі мүмкін, бірақ бұл көпке созылмайды» деді ол.

Сондай-ақ, бұл болжаммен Украина президенті Владимир Зеленскийге жақын дереккөз де келіскен.

Оның айтуынша, украиндықтар Зеленский билігі құлайтынына аса сенбейді екен. Ол Украина Ресейдің құрсауынан шыға ала ма, жоқ па деген сауалға жауап беру әлі ерте екенін айтқан.

Қазіргі таңда Украина Херсон облысындағы билігін жоғалтқан.