АҚШ-тың жаңа бас консулы Алматыға келді

АҚШ бас консулдығының жаңа басшысы Кэролайн Сэвидж Алматыға келді.

Бұл туралы Orda.kz хабарлады.

Сэвидж консулдық округінің құрамына Алматы қаласы, Шымкент, Алматы, Қызылорда, Түркістан және Жамбыл облыстары кіреді.

– Бұл - АҚШ-тың Алматыдағы Бас консулының инаугурациясы үшін ерекше уақыт, өйткені биыл Қазақстан тәуелсіздігінің 30 жылдығы аталып өтеді. Біз бірге АҚШ пен Қазақстан арасындағы дипломатиялық қарым-қатынастың 30 жылдығын атап өтеміз, - деді Сэвидж.

АҚШ пен Қазақстанның Covid-19-бен күресудегі ынтымақтастығы миссияның басты басымдығы болып қала береді.

Кэролайн Сэвидж - АҚШ-тан елге келмес бұрын қазақ тілін оқыған алғашқы консул. Ол тілді үйрену екі ел арасындағы байланысты тереңдетуге көмектеседі деген ойда.

Сэвидж өз қызметін 2004 жылы АҚШ Мемлекеттік департаментінде бастады. Бас консул болып тағайындалғанға дейін ол Мемлекеттік департаменттің Вашингтонда орналасқан шетелдік журналистерге арналған баспасөз орталығының директоры болды. Ол сондай-ақ Ұлттық қауіпсіздік кеңесінде Ресей және Орталық Азия бойынша директор, Мемлекеттік департаменттің орыс бөлімінде саяси, әскери және сыртқы істер жөніндегі қызметкер болды.

Сэвидж АҚШ-тың Әзербайжан мен Мозамбиктегі елшіліктерінде қоғамдық істер жөніндегі кеңесші, сондай-ақ Беларусьтағы АҚШ елшілігінің қоғамдық мәселелер жөніндегі кеңесшісі және консулы, АҚШ-тың Люксембургтегі елшілігінде саяси және консулдық қызметкері болды.

Кэролайн Сэвидж тұрмыста екі бала тәрбиелеп отыр.