АҚШ-тың сыбайлас жемқорлыққа қарсы сыйлығы кімге бұйырды?

Қырғызстанның зерттеу сайтының бас редакторы және Украинаның бұрынғы бас прокуроры АҚШ Мемлекеттік департаментінің сыбайлас жемқорлыққа қарсы сыйлығын алған 12 адамның тізіміне енді. Бұл туралы Азаттық хабарлады.

Жаңа халықаралық сыйлықтың лауреаттарын 23 ақпанда Мемлекеттік хатшы Энтони Блинкен жариялады.

Сыйлық алғандардың қатарында қырғызстандық FactCheck сайтының бас редакторы Болот Теміров пен өткен жылы Украинаның бас прокурор қызметінен кетуге мәжбүр болған Руслан Рябошапка бар.

Шенеуніктің шетелдік активтерін тексерді

FactCheck және Bellingcat Қырғызстан кеден қызметі бастығының бұрынғы орынбасары Райымбек Матраимовтың қызметін тергеуге қатысқан және сыбайлас жемқорлық дау-дамайы мен шетелде миллиондаған доллардың алынуы орталығында болған, оның туыстарының активтерін тексерген. Былтыр Теміровке қатысты тергеу жарияланғаннан кейін, оның интернет-сайтының Бішкектегі кеңсесіне шабуыл жасалған.

Прокуратурадағы кәсібилікті арттырды

Рябошапкаға сыбайлас жемқорлыққа қарсы белсенділер Украинаның жанжалмен басталған прокуратурасының кәсібилігін арттырудағы әрекеттері үшін жоғары баға берді. Ол 2019 жылдың 29 тамызынан бастап 2020 жылдың 5 наурызына дейін бас прокурор қызметін атқарды.