АҚШ-тың бас консулы қазақ тілінде үндеу жолдады

АҚШ бас консулдығының жаңа басшысы Кэролайн Сэвидж Алматыға келгеннен кейінгі өзін таныстыру мақсатындағы үндеуін АҚШ консулдығынының Facebook парақшасында қазақ тілінде жариялады.

Бұл туралы Orda.kz хабарлайды.

- АҚШ-тың Алматыдағы бас консулы ретінде іске кірісу – мен үшін үлкен құрмет! Екі еліміздің 30 жылдық достығымызды одан әрі нығайта беретінімізге сенімдіміз. Қазақ тілін бір жылдай оқып, енді міне, Алматыға келгеніме қуаныштымын. Осындай, асқар таулардың баурайында тұру ғажап екен, - деді бас консул.

Сонымен қатар, ол отбасымен бірге үйде отырғанын хабарлады. ПТР-тест дайын болғаннан кейін жұмысқа кірісетінін жеткізді. Сэвидж айтуынша, тездетіп үйден шығып, Қазақстан халқымен танысқысы келеді.