АҚШ-та балаларды 5 жастан бастап вакциналауға рұқсат берілді

АҚШ Ауруларды бақылау және алдын алу федералды орталықтары (CDC) 5-11 жас аралығындағы балаларға америкалық Pfizer және неміс BioNTech компаниясы шығарған вакцинамен егуді ұсынды.

Бұл туралы Orda.kz хабарлады.

CDC арнайы комиссиясының мүшелері бірауыздан АҚШ-тағы 5 пен 11 жас аралығындағы балаларға вакциналанатын препараттың екі дозасын ұсынуға дауыс берді. Осы жас тобындағы балаларға арналған вакцинаның дозасы ересектерге арналған дозаның шамамен үштен бірін құрайтыны және үш апта аралықпен енгізілетіні атап өтілген. Вакцина жұма күні сатылымға шығуы мүмкін.

Бұған дейін АҚШ Денсаулық сақтау және халыққа қызмет көрсету департаменті жанындағы Азық-түлік және дәрі-дәрмек басқармасы 5-11 жас аралығындағы балаларға Pfizer және BioNTech компанияларының коронавирустық вакцинасын қолдануды мақұлдаған болатын.

Джонс Хопкинс университетінің мәліметі бойынша, АҚШ-та 45,9 миллионнан астам коронавирус инфекциясы анықталды, 745,8 мыңнан астам адам қайтыс болды. АҚШ науқастар саны мен өлім бойынша көшбастап тұр.