АҚШ пен Еуроодақ Путиннің шетелдегі ақшасын бұғаттады

Ақ үйдің баспасөз хатшысы Джен Псаки АҚШ Ресей президенті Владимир Путин мен Ресей сыртқы істер министрі Сергей Лавровқа қарсы санкциялар салады деп хабарлады.

Псаки брифингте айтқандай, Еуроодақтың осындай шешімдерінен кейін тиісті шаралар қабылданады.

– АҚШ оларға қосылып, президент Путинге, сыртқы істер министрі Лавровқа және ұлттық қауіпсіздік тобының мүшелеріне қарсы санкциялар салады, – деді Псаки.

Еске салсақ, Ресей президенті Владимир Путин мен Ресей сыртқы істер министрі Сергей Лавров Еуропалық Одақтың санкциясына түскен тұлғалар тізіміне енді. Бұл туралы Еуроодақтың сыртқы істер және қауіпсіздік саясаты жөніндегі жоғарғы өкілі Жозеп Боррелл мәлімдеді.

Еуроодақ Украинаға басып кіруіне жауап ретінде Путин мен Лавровтың активтерін бұғаттады. Бұл шара ЕО банктеріне оларға несие беруге тыйым салынады дегенді білдіреді, дегенмен бұл қаржы институттарымен ынтымақтастық дәрежесіне байланысты болады.

– Ресей халықаралық қауымдастықтан оқшауланатынын көруі керек, – деді Боррел.

Дегенмен, Путин мен Лавров дипломатиялық арналарды ашық ұстау үшін сапарға шығуға тыйым салуға (көбінесе активтерді бұғаттаумен бірге жүретін тұрақты санкция) ұшырамайды.

Борреллдің айтуынша, Путин Беларусь президенті Александр Лукашенко мен Сирия президенті Башар Асадтан кейін Еуроодақ санкцияларына жеке ұшыраған үшінші әлемдік көшбасшы.