АҚШ Бейжің Олимпиадасына дипломатиялық бойкот жариялады

Ақ үйдің баспасөз хатшысы Джен Псакидің айтуынша, Қытайдағы қысқы Олимпиада ойындарына АҚШ шенеуніктері қатыспайды.

– ҚХР-ның Шыңжаңдағы геноцидін және басқа да адам құқықтарының бұзылуын ескере отырып, Байден әкімшілігі Бейжіңдегі 2022 жылғы қысқы Олимпиада мен Паралимпиада ойындарына дипломатиялық немесе ресми делегация жібермейді, - деді ол.

Спортшыларға келетін болсақ, олар жарысқа қатыса алады.

– Байкот халықаралық ынтымақтастықты күшейтпейді. Ал Бейжіңдегі америкалық спортшылар қолдаусыз қалады, - деді Виталия Смирнова.

Вашингтондағы Қытай елшілігі АҚШ-тың бұл шешімін саяси манипуляция және Олимпиада рухын бұрмалау деп атады. Ол Бейжің американдық саяси делегацияны Олимпиада ойындарына шақырмағанын айтты.

Халықаралық Олимпиада комитеті (ХОК) АҚШ билігінің 2022 жылы Бейжіңде өтетін қысқы Олимпиадаға бойкот жариялау шешімін құрметтейтінін мәлімдеді.

– Мемлекеттік шенеуніктердің және дипломаттардың болуы әрбір үкіметтің саяси шешімі болып табылады, ХОК өзінің саяси бейтараптығын толығымен құрметтейді. АҚШ билігінің мәлімдемесі Олимпиада ойындары мен оларға спортшылардың қатысуы саясаттан тыс екенін анық көрсетеді және біз мұны құптаймыз, - делінген комитет хабарламасында.