АҚШ Қазақстандағы киберқылмыспен күреске 2,3 млн доллар бөлді

Қазақстан мен АҚШ арасындағы есірткіге қарсы күрес саласындағы өзара түсіністік туралы меморандумға өзгерістер енгізіледі. Ол бойынша АҚШ Қазақстанның ІІМ жобаларын іске асыруға қосымша қаржы бөледі.

Бұл туралы Orda.kz хабарлады.

Құжатқа сәйкес, АҚШ үкіметі Қазақстанды қолдау мақсатында әзірленген жаңа жобаларды құруға 2 млн 326 мың доллар бөледі:

• полицияны реформалау бағдарламасын ілгерілетуге, атап айтқанда, қызметтік полицияны енгізуді қолдау. Полиция академиялары мен басқа да бағыттар бойынша оқу бағдарламаларын әзірлеу;
• Қазақстанда Интернетте жасалған қылмыстарды тергеу қабілетін дамытуда (киберқылмысқа қарсы);
• құқық қорғау органдарының сыбайлас жемқорлық құқық бұзушылық саласындағы қылмыстық істерді анықтау, тергеу және қарауға. Қылмыстық сот төрелігі саласында жұмыс істейтін мемлекеттік қызметшілерді оқыту бойынша іс-шаралар өткізуге.

– АҚШ бөлген қаражат хаттамаға сәйкес жобалардың мақсаттарына қол жеткізуде игерілуі керек. Оны АҚШ Конгрессі бекітеді және қаржыны АҚШ Мемлекеттік департаменті бекітеді, - делінген құжатта.

Бөлінген қаржыландырудың мақсаты құқық қорғау органдарына, әділет органдарына және мемлекеттік органдарға:

• есірткі саудасы
• сыбайлас жемқорлық
• ақшаны жылыстату
• адам саудасы
• киберқылмыс сияқты трансұлттық және ұйымдасқан қылмыспен күресуге мүмкіндік беру болып табылады.

2015 жылғы 9 желтоқсандағы қосымша хаттамаға сәйкес АҚШ-тан қаржыландыру көлемі 593 мың долларды құрайды. Бұл қаражат келесі бағыттар бойынша бөлінді:

• есірткі бизнесіне қарсы күрес - 120 мың доллар;
• шекара қауіпсіздігі - 120 мың доллар;
• адам саудасына қарсы күрес - 120 мың доллар;
• есірткіге сұраныстың төмендеуі - 113 000 доллар;
• ақшаны жылыстатуға және қаржылық қылмысқа қарсы - 120 мың доллар.

Хаттамаға өзгерістер енгізу жобасы 24 тамызға дейін қоғамдық талқылауда болады.