АҚШ ғарышкері қазақстандықтарды Тәуелсіздік күнімен ғарыштан құттықтады

Американдық астронавт Марк Томас Ван де Хей қазақстандықтарды Тәуелсіздіктің 30 жылдық мерейтойымен құттықтады.

Оның үндеуінің жазбасы АҚШ-тың Қазақстандағы елшілігінің Facebook парақшасында пайда болды.

– Қазақстандықтарды Тәуелсіздіктің 30 жылдығымен құттықтаймын! АҚШ сіздердің тәуелсіздіктеріңізді алғашқылардың бірі болып мойындады. Содан бері біздің елдеріміз арасында барлық бағыттар бойынша, әсіресе ғарышты зерттеуде ынтымақтастық дамып келеді, – деді Томас Ванде Хэй.