Ақпанда 50 журналист медицина университетінде оқиды

Ақпарат министрі Аида Балаева университетте болып, оның басшылығымен медиа-сферада мамандар даярлаудың 2020-2021 жылдарға арналған арнайы жоспарын талқылады.

Алғашқы 50 журналист Асфендияров атындағы ҚазҰМУ-де ағымдағы жылдың ақпан айында оқуды бастайды, деп хабарлайды Ақпарат және әлеуметтік даму министрлігінің сайты.

Министрлік ҚазҰМУ-мен қол қойылған салалық журналистиканы дамыту бойынша ынтымақтастық туралы меморандумда көрсетілген жұмыстарды бастады.

Аида Балаева салалық журналистиканы дамыту бойынша жұмыстың маңызды кезеңі басталатындығына назар аударды. Министр білім жетілдіру барысында оқытушылар ретінде журналистика мен медицина саласының жетекші мамандары белсенді жұмыс жүргізуі керек екенін баса айтты.