Ақордада Президент жанындағы жаңа жұмыс орны құрылады

Қазақстанда халықаралық ынтымақтастық жөніндегі арнайы өкіл лауазымы пайда болуы мүмкін.

Бұл туралы Orda.kz хабарлады.

Қазақстанда арнайы өкіл қызметі президенттің конституциялық билігін жүзеге асыратын, мемлекеттік органдардың сыртқы саясаттағы жұмысының тиімділігін арттыратын және мемлекет басшысының халықаралық бастамаларын алға тартады.

Президент жарлығы жобасында:

Бекітілсін

1) Қазақстан Республикасы Президентінің халықаралық ынтымақтастық жөніндегі арнайы өкілі туралы ереже;

2) 1.Қазақстан Республикасы Президентінің кейбір жарлықтарына енгізілетін өзгерістер мен толықтырулар. 2. Қазақстан Республикасының Үкіметі белгіленген тәртіппен осы Жарлықтан туындайтын шараларды қабылдасын. 3. Осы Жарлық қол қойылған күнінен бастап күшіне енеді, - жарлық жобасы «Open NLA» порталында жарияланды.

Президенттің халықаралық ынтымақтастық жөніндегі арнайы өкілі саяси мемлекеттік қызметші болып табылады. Оны президент әкімшілігі басшысының ұсынысы бойынша мемлекет басшысы тағайындайды және қызметтен босатады. Бұл ретте арнайы өкіл президенттің алдында жауап береді.

– Арнайы өкіл өз қызметін жүзеге асыру кезінде ҚР Үкіметімен және басқа да мемлекеттік органдармен, ұйымдармен ҚР сыртқы саясаты бойынша өзара іс-қимыл жасайды.

Арнайы өкіл жүктелген міндеттердің орындалуына жауап береді, жұмысты ұйымдастыруды және тиісті еңбек тәртібін қамтамасыз етеді. Арнайы өкілдің қызметін бес әкімшілік мемлекеттік қызметшілерден тұратын Қазақстан Республикасы Президенті Әкімшілігінің секторы қамтамасыз етеді.

Арнайы өкіл қызметін қамтамасыз ету мен қаржыландыруды ҚР Президентінің Әкімшілігі жүзеге асырады, делінген құжатта.

Премьер-министр Асқар Мамин Тоқаевтың түсіндірме жазбасында жоба Сыртқы істер министрлігінің бастамасымен әзірленгені айтылды. Арнайы өкіл тағайындау сыртқы саясаттың негізгі бағыттары мен мемлекет басшысының бастамаларын насихаттауды арттырады.

«Open NLA» ресурсында құжат жобасы 12 сәуірге дейін қоғамдық талқылауда болады деп көрсетілген.