Ақмолалық спортшылар полиция қызметкерлерімен бірге қаладағы тәртіпті бақылауға кірісті

Ақмолалық спортшылар полиция қызметкерлерімен бірге қаладағы тәртіпті қадағалауды жалғастырып жатыр.

Ақмола облысы дене шынықтыру және спорт басқармасының баспасөз хатшысы Махаббат Большина хабарлағандай, өңірдің 400-ге жуық спортшысы азаматтық позиция танытып, түнгі рейдтерге аттанған. Олар коменданттық сағат кезінде қаланы аралайды, еріктілер аумақтық түрде бөлінеді. Ақмолалықтар полицейлерді елдегі бейбітшілік үшін жан-жақты қолдау көрсететіндеріне сендірді.

– Осы қиын уақытта біз бірге болып, бір-бірімізге көмектесуіміз керек. Біз заңсыздыққа, терроризмге, тонауға қарсымыз. Біз елдің бейбітшілігін қолдаймыз. Біздің барлығымыздың отбасымыз бар, біз оларға қамқорлық жасауымыз керек. Тәуелсіздіктің 30 жылы ішінде Қазақстанда жасалған игілікті біз жоғалтпауымыз керек. Патриот болайық! - деп шақырды еріктілер.

Ақмола облысының елді мекендерін патрульдеу төтенше жағдай режимі аяқталғанға дейін жалғасады.