Ақмолада сегіз жасар екі бала суға батып кетті

Ақмола облысы Аршалы ауданында 26 мамыр кешкі сағат төрттер шамасында сегіз жасар екі бала суға батып кетті.

Бұл туралы Orda.kz хабарлады.

Белгілі болғандай, үш бала ата-аналарының қарауынсыз суға шомылуға барған.

Екі бала белгісіз жағдайда суға батып кеткен, үшіншісі үйіне көмек сұрап барған.

– Оқиға орнына келген кезде № 42 разъезд станциясынан 200 метр қашықтықта су басқан учаскеде сегіз жасар екі бала – 1-сынып оқушылары суға батып кеткені анықталды. Мән-жайды анықтау кезінде көз жұмған баланың әкесі үш бала ата-аналарына айтпай, шомылуға шығып кеткенін хабарлады. Сағат 16:30 шамасында кіші ұл үйге жүгіріп келіп, әкесіне екі ағасы көмек сұрап жатқанын айтқан. Сағат 16:55-те әкесі қимылсыз жатқан баласын судан шығарып алған, - деді Аршалы аудандық полициясы.

 Екінші баланың денесі тек бір жарым сағаттан кейін, шамамен 18:34-те табылған.

Қазір іс бойынша сот-медициналық сараптама тағайындалды.