Ақмолада қос ағайынды шомылуға кетіп, қайтып оралмаған

Ақмола облысы Петровка ауылында екі жігіт суға батып кетті. 29 және 31 жастағы екі ағайынды өзенге шомылуға барған.

Бұл туралы Orda.kz КТК телеарнасына сілтеме жасап хабарлады.

29 және 31 жастағы ағайынды жігіт тамақ пен арақ-шарабын алып, Жабай өзеніне шомылуға келген. Бірақ олардың демалуға кеткендерін ешкім білмеген.

Жігіттер сол күні үйіне оралмаған. Таңға жуық әкелері оларды іздей бастаған. Ауылдан таппай, оларды іздеп өзенге барған. Судың жағасында ағайынды жігіттердің киімін тапқан.

– Екеуінің денесін өзенде екі метр тереңдікте, жағалаудан 12 метр қашықтан сүңгуірлер алып шықты. Олар арнайы жабдықталмаған жерде суға түскен. Қазір полиция сотқа дейінгі тергеу жүргізіп жатыр. Тиісті сараптама тағайындалды, - деді Ақмола облысы төтенше жағдайлар департаменті бастығының орынбасары Қанат Доспаев. 

Қазір жігіттердің мәйіті судан шығарылған.