Ақмолада ашуға бой алдырған ер адам мылтықтан от жаудырды

Ер адам шағын калибрлі мылтықтан 24 жастағы жігіт тізгіндеген ВАЗ-2110 көлігіне екі рет оқ атқан.

Полицейлер жедел іздестіру шаралары арқасында күдіктіні қолға түсірді.

«Күдікті Вознесенка ауылының 26 ​​жастағы тұрғыны екені анықталды, одан ТОЗ-8 шағын ұңғылы мылтығы тәркіленіп алынды» делінген Ақмола облысы полиция департаментінің баспасөз қызметі хабарламасында.

Полицейлер оқиға орнын мен жәбірленушінің көлігін қарау кезінде оқ тапқан.

Алдын ала анықталғандай, қылмысқа жәбірленуші мен күдікті арасындағы араздық қарым-қатынас себеп болған.

Аталған факті бойынша Қылмыстық кодекстің 24-бабы «Адам өлтіруге оқталу» бойынша сотқа дейінгі тергеу амалдары басталды.

Күдікті қамауда.