Ақмола полициясы журналистерге қылмыстық баппен қоқан-лоқы көрсетті

Ақмола облыстық полиция департаменті бірнеше редакцияға өзінің күнделікті ақпараттық бюллетеніндегі ақпаратты жариялағаны үшін қылмыстық жауапкершілікпен қорқытты, деп хабарлады informburo.

Ақмола облысы полиция департаментінің баспасөз қызметі 17 ақпанға арналған күн сайынғы қысқаша хабарлама жіберді. Хатқа құжаттары бар файлдар қоса тіркелді.

Хат-хабар алғаннан кейін екі сағат ішінде БАҚ екінші хат алды. Онда бірінші хаттағы қателіктер мен ақпаратты жариялағаны үшін қылмыстық жауапкершілікке тарту туралы қоқан-лоққылар көрсетілген.

«Құрметті әріптестер, БАҚ өкілдері! 2021 жылдың 18 ақпанында бюллетеньде қателікпен «бақылау, анықтама, қысқаша ақпарат және ақпаратты шығару» бар құжаттар тобы жіберілді. Оперативті қорытындыда жарияланған деректерді пайдаланбауыңызды өтінеміз, өйткені бұл ақпаратты заңсыз пайдалану ҚР Қылмыстық кодексінің 423-бабы - «Сотқа дейінгі өндіріс немесе жабық сот ісін жүргізу туралы мәліметтерді жария ету» бойынша қылмыстық жауапкершілікке әкеп соғады», - делінген хабаралмада.

Құқықтық медиа орталықтың заңгері Гүлмира Біржанованың пікірінше, Ақмола облысының полиция департаменті осылайша кінәні БАҚ-қа аударады.

«Құқық қорғау органдары кінәні журналистерге аударады. Олар бұл ақпаратты таратады және оны пайдаланбасын дейді. Бұл жағдайда бұқаралық ақпарат құралдарын ҚР Қылмыстық кодексінің 423-бабымен қорқыту мүлдем дұрыс емес. Бұл бірінші кезекте полицияның кінәсі».

Біржанова ақпаратты таратқаны үшін журналистерді емес, полиция қызметкерлерін жауапқа тарту керек деген ойда.

«Егер полиция мұны түсінсе, онда ресми ақпаратты жариялау үшін олардың қызметкерлерін тәртіптік жауапкершілікке тарту қажет. Мұнда сіз бұқаралық ақпарат құралдары туралы заңның 26-бабын қолдана аласыз, өйткені хат полициядан ресми поштаға келген»,-дейді заңгер.