Ақмола облысында екі шахтер тас астында қалып қойды

«Айна – ресурс» шахтасында төтенше жағдай орын алып, екі ер адам үйілген тас астында қалды. Ақмолалық құтқарушылар оларды үйінділер астынан шығарып, ауруханаға жеткізді, деп хабарлады облыстың ТЖМ баспасөз қызметі.

Ақмола облысының Астрахан ауданында «Айна – ресурс» ЖШС шахтасында тас құлады. Осы кезде шахтада 1991 және 1990 жылы туылған екі ер адам болған.

— Бүгін түнгі сағат 03:02-де Астраханка ауылындағы ПЧ-19 бөлімшесінің байланыс пунктіне жедел жәрдеммен науқастарды құтқару және эвакуациялау үшін Ақбейіт ауылына көмек қажет екендігі туралы телефон хабарламасы түсті. Шақырылған жерге құтқарушылар жоғары жылдамдықпен жүретін TREKOL VEGA көлігімен жіберілді, деді Астрахан облысы Төтенше жағдайлар департаментінің бастығы Аят Серәлиев.

— Ер кісілер ауыр жағдайда 100 метр тереңдікте болған, оларды шахтадан басқа кеншілер құтқарып, құтқарушылар келгенге дейін алғашқы медициналық көмек көрсеткен. Нашар метеорологиялық жағдай салдарынан жедел жәрдем зардап шеккендерге жете алмады, деді Серәлиев.

Құтқарушылар жедел жәрдем орнына дәрігерлермен бірге баруға мәжбүр болды. Кеншілер Астрахан облыстық ауруханасына жеткізілді, олардың жағдайы орташа ауыр деп бағаланады.