Ақмола облысында бір түнде 200-ден астам жолда қалған адам құтқарылды

Адамдар түні бойы ақтүтек қар басқан  жолдардан эвакуацияланды, өңірде күшті қарлы боран болған.

Ақмола облысында қатты боран салдарынан 247 адам жолда қалып қойды. Құтқарушылар мен полицейлер түні бойы адамдарды құтқаруға мәжбүр болды. 11 наурызда күндіз және 12 наурызға қараған түнде күшті қарлы боран байқалды. Осының кесірінен бақылау-өткізу бекеттерінде 400-ден астам көлік жиналып қалған.

 «Бір түннің ішінде құтқарушылар облыстың тас жолдарынан жылу пункттеріне барлығы 247 адамды эвакуациялады, оның 96-сы балалар. Эвакуация пункттерінде жергілікті атқарушы органдардың күшімен ыстық тамақ ұйымдастырылды. Өрт сөндірушілер мен құтқарушылардың жедел әрекетінің арқасында жолаушылар жолда тоңбаған» делінген хабарламада.

Атап өтілгендей, құтқару жұмыстары Бурабай, Шортанды, Аршалы аудандарында, сонымен қатар, тәулік бойы жүргізілді.