Ақбұлақтық атқыш Игорь Дужновқа сот үкімі шықты

Алматыда бес адамды атып, өлтірген Игорь Дужновтың ісі бойынша үкім шықты.

Алматы қалалық сотының судьясы Еркін Майшынов өткен жылдың қыркүйегінде «Ақбұлақ» шағын ауданында жеке сот орындаушысын, екі полиция қызметкерін және екі бейбіт тұрғынды атып өлтірген Игорь Дужновқа қатысты үкімді жариялады.

Сот оны өмір бойына бас бостандығынан айырды.

Еске салсақ, 2021 жылдың 20 қыркүйегінде Алматының «Ақбұлақ» шағын ауданында 54 жастағы Игорь Дужнов өзін қуып шығуға келгендерге аңшы қаруынан оқ жаудырған. Онда бес адам қаза болды - екі полиция қызметкері, сот орындаушысы, жаңа үй иесі және оның досы.

Атқыштың әйелі банк олардың мүлкін заңсыз тартып алғанын айтты. Кейін «Банк ЦентрКредит» АҚ қызметкерлері бұл істің мән-жайын анықтады.

2022 жылдың 19 наурызында ҚР Бас прокуратурасы Қылмыстық қудалау қызметінің аға прокуроры Шыңғысхан Пұсырманов Дужновтың бес адамды қалай атқанын айтып берді. Тергеу сонымен қатар сотталушы өз ауласында болған адамдарды қабырғаға тізіліп тұруға мәжбүрлеп, кейін атуға кіріскенін анықтады.

Тараптардың дауында мемлекеттік айыптаушы Ақбұлақ атқышын өмір бойына бас бостандығынан айыруды сұрады. Зардап шеккендердің туыстары да прокурорлармен келісіп, Дужновтың әйелі мен қызын қылмыстық жауапкершілікке тартуды, сондай-ақ сотталушымен кездесу мүмкіндігінен айыруды талап етті.

12 сәуір Игорь Дужнов полицияны ұрып-соғып, өз-өзіне қол жұмсамақ болды деп айыптады.