«Ақбұлақтық атқыш» Дужновтың жазасын қайда өтейтіні белгілі болды  

Өмір бойына бас бостандығынан айырылған алматылық Игорь Дужнов Қостанай облысында жазасын өтейтін болды.

ІІМ Қылмыстық-атқару жүйесі комитеті 99-бап, 2-бөлім (екі және одан да көп адамды өлтіру) бойынша өмір бойына бас бостандығынан айрылған Дужновтың осы уақытқа дейін Алматы тергеу изоляторында болғанын хабарлады. ҚАЖК ел аумағында 80 түзеу мекемесі бар екенін атап өтті, олардың біреуі ғана өмір бойына жазаны өтеуге арналған «Қара бүркіт» түрмесі. Дужновтың мерзімін өтейтін мекеме Жітіқара қаласынан 25 шақырым жерде орналасқан.

Айта кетейік, бұл мекемеде Алматыда террорлық шабуыл жасаған Руслан Күлекбаев және Владислав Челах сияқты жаппай кісі өлтірген қылмескерлер жазасын өтеп жатыр.

Еске салайық, 24 сәуірде сот 54 жастағы «Ақбұлақтық атқыш» Игорь Дужнов екі полицей мен сот орындаушысының, сондай-ақ үйінің жаңа иесі мен куәгердің өліміне кінәлі деп танылған. Ол өмір бойына сотталды.