20 қыркүйекте сот орындаушылары үйінен шығару барысында 54 жастағы алматылық азамат бес адамды атып тастады, оның ішінде екеуі полиция қызметкерлері еді.
Оның бірі – полиция майоры Дархан Сүлеев Ішкі істер органдарында 18 жыл қызмет еткен. Оның артында бес баласы қалды.
Екіншісі – полиция капитаны Нұрбол Байғазиев жеті жыл қызмет еткен. Оның артында екі баласы қалды.
— Олар қызметтерін жақсы атқарды, бірнеше рет көтермеленді, әлеуметтік желілердегі парақшаларда тұрғындар олар туралы әрқашан оң пікір қалдырды, шағымдар болған жоқ, – дейді полиция.
Сонымен қатар Алматы қалалық ІІД бастығы Қанат Таймерденов қазір ведомствоаралық тергеу – жедел тобы Ақбұлақ ықшам ауданында учаскелік полиция қызметкерлерінің қызметтік қару қолданбау себебін анықтауы тиіс екенін айтты.
— Қызметтік қару қолданылмады. Енді ведомствоаралық тергеу -жедел тобы тергеу кезінде осының бәрін толық зерттейтін болады. Бірақ біз, ең алдымен, азаматтардың қауіпсіздігіне назар аударамыз. Оның үстіне кәмелетке толмаған балалар болды, мүмкін жаралап алу қаупі болған шығар. Дәл қазір біз мұны айта алмаймыз, – деді Таймерденов брифингте.
Бесінші қаза болған адамның үйді электронды аукционнан сатып алған жаңа иесінің досы екендігі айтылды.
