Ағалы-қарындасты Таңатаров пен Әділова «ҚазТрансОйлдың» топ-менеджментінен шығарылды

Ален Таңатаров пен Шара Әділова «ҚазТрансОйл» АҚ топ-менеджмент құрамынан шығарылды.

«2022 жылғы 11 ақпанда басқарма құрамына келесі өзгерістер енгізілді: Ш.Б.Әділова - бас директордың орынбасары (өкілеттікті мерзімінен бұрын тоқтату 2022 жылғы 28 ақпанда), А.Б.Таңатаров.;

Бас директордың орынбасары (өкілеттікті мерзімінен бұрын тоқтату 2022 жылғы 28 ақпанда); А.С.Майкенов (2022 жылдың 14 ақпанынан бастап басқарма мүшесі болып сайланды)» делінген Қазақстан қор биржасының (KASE) хабарламасында.

Енгізілген өзгерістерді ескере отырып, «ҚазТрансОйл» АҚ Басқармасы бес адамнан тұрады: Сәбит Арынов, Ерболат Меңдібаев, Жайық Махин, Жайдарман Исаков және Арман Майкенов.

Айта кетсек, бұған дейін Майкенов «ҚазТрансОйл» компаниясының корпоративтік хатшысы болған.

Еске салсақ, 2019 жылғы 26 тамызда Әлен Таңатаров пен Шара Әділованың (Таңатарова) бір-біріне ағалы-қарындасты екені белгілі болды. Компанияның топ-менеджментіне алдымен Әділова 2015 жылы, одан кейін 2019 жылдың 28 маусымында Таңатаров келді. Бұл ретте «ҚазТрансОйл» заң мен серіктестік жарғысының бұзылмағанын мәлімдеген.