99 жастағы соғыс ардагерін абайсызда қағып кеткен қыз бала оны ауруханаға жеткізді

Петропавлда 99 жастағы соғыс ардагерін 10 жастағы қыз бала абайсызда қағып кетіп, салдарынан ардагер құлап, жамбас сүйегін сындырып алған, деп хабарлайды Orda.kz.

Солтүстік Қазақстан облысының Денсаулық сақтау басқармасының мәліметінше, ардагер Василий Макиенко қазіргі таңда облыстық аурухананың травматология бөлімінде ем қабылдап жатыр.

«Тексеру нәтижесінде жамбас сүйегінің сынғаны анықталды, алайда сүйек ығыспаған. Науқастың жағдайы – орташа ауыр. Оған ота қажет емес, емдеу стационарда жалғасады», – дейді дәрігерлер.

Qazaqstan Media ақпараты бойынша, 99 жастағы Василий Макиенко – өңірде тұратын үш соғыс ардагерінің бірі. Оқиға ардагер құстарға жем беру үшін Ғабит Мүсірепов ескерткішіне бет алған сәтте болған.

«Қыз шамамен 9-10 жаста. Ол құрбысына қарай жүгіріп келе жатқан. Бейнебақылау камераларынан оның қарт адаммен иығы соқтығысып, ол кісінің құлап түскені анық көрінеді. Қыз тоқтамастан әрі қарай жүгіріп кеткен, көмектеспеген. Атам жерде жатып қалған, жамбасы сынған», – дейді ардагердің немересі Олеся Цоль.

Ардагер өз бетімен тұра алмаған. Оны жолда өтіп бара жатқан көлік жүргізушілері байқап, дереу көмек көрсеткен.

«Атам күн сайын серуендейтін. Енді бір ай бойы аяғынан тұра алмайды. Өмірінде талай қиындықты бастан өткерген адам. Біз оның бұл сынақтан да сүрінбей өтетініне сенеміз», – дейді немересі Олеся.