972 миллионға ұшақ жанармайы: Ақтөбеде мемлекеттік сатып алу бөлімінің басшылығы жазаланды

Ақтөбе облысының мемлекеттік сатып алу департаментінің басшылығына мемлекеттік қызметтің беделін түсіргені үшін жаза қолданылды, деп хабарлайды Orda.kz. Ақтөбе облысының көлік прокуратурасына сілтеме жасап.

Қадағалау органы мемлекеттік сатып алудың жеңімпазын таңдауда орынсыз артықшылық беру жағдайын анықтады. Әңгіме Ақтөбе халықаралық әуежайына 972 млн теңгеге авиакеросин сатып алу туралы болып отыр.

Осы конкурсты өткізу үшін Мемлекеттік сатып алу департаменті ұсынатын тендерлердің бірыңғай ұйымдастырушысы мұнай өнімдерін көтерме саудада жеткізуге байланысты қызметтің басталғаны немесе тоқтатылуы туралы хабарлама түріндегі негізгі талаптардың бірін бекітті.

«Аталған  құжат негізінде комиссия мүшелері осындай қызметпен айналысуға Энергетика министрлігінің «рұқсаты» бар әлеуетті жеткізушілерді анықтауы керек болды. Алайда конкурстық комиссия тиісті рұқсаты жоқ қатысушыларды жеңімпаз ретінде таныған», - деді ведомстводағылар.

Прокуратура аталған әрекеттерде шешім қабылдауда заңсыз артықшылық беру белгілерін байқап, Ақтөбе облысы әкімінің атына ұсыныс жолдаған.

Жағдайды облыстық Әдеп жөніндегі кеңес қарап, комиссия мүшелерінің мұндай қадамы мемлекеттік қызметтің беделін түсіретін теріс қылық деп таныды.

Облыс әкімі өкімімен Мемлекеттік сатып алу департаментінің басшылығы мен комиссияның басқа да мүшелеріне «қызметтік талаптарды толық орындамағаны туралы ескерту» түріндегі жаза қолданылды.