92 жастағы кейуана перзенттерін сотқа берді
Фото: abai.kz
Ақтөбе соты 9 бала туып, қараусыз қалған кейуананың балаларына қатысты арызы бойынша азаматтық істі қарады.
92 жастағы тоғыз баланың анасы сегіз айыпталушыдан, яғни өзінің туып өсірген балаларынан өзін күтіп-бағу үшін алимент өндіру туралы сотқа шағым түсірді. Батыр ана жасына байланысты көптеген созылмалы ауруларға шалдығуы салдарынан және еш жәрдемсіз қалғаны себепті осындай шешімге барған.
«Істің мән-жайына сәйкес, талапкер жауапкерлердің туған анасы болып келеді. Кейуана өзінің талап арызында қазіргі уақытта кенже қызы З-ның өзімен бірге тұратынын және материалдық жағынан көмектесетінін мәлімдеген. Осыған байланысты ол соттан қалған сегіз жауапкер, яғни туған перзенттерінен алимент өндіруді сұрайды», деп хабарлады Ақтөбе сотының баспасөз қызметі.
Сотта 92 жастағы ақтөбелік кейуананың кенже қызы қарт анасына қамқорлық көрсеткенін дәлелдегені айтылды. Азаматтық іс материалдарына дәлелдемелер қосылды.
«Істі қарау барысында талапкер балаларының оған қарамайтынын, тіпті есігін де ашпайтынын, оларды алты жылдан бері көрмегенін айтты. Дегенмен жауапкерлердің кенже қыз олардың анасымен кездесуі үшін үйге кіргізбейді деген уәжін сот есепке алмады. Өйткені бұл туралы дәлелдер келтірілмеген. Сонымен бірге, сот мұны мүгедек ата-ананы асырау жөніндегі міндеттемеден жалтару тәсілінің бірі ретінде қарастырды» делінген сот хабарламасында.
Сот талапкердің өз балаларынан алимент өндіруге құқығы бар екенін, бірақ олардың төртеуі зейнеткерлік жасқа жеткенін және алимент өндіріп алуға жатпайтын мүгедектігі барын ескерген.
«Азаматтық кодекстің 145-бабының 3 және 4-тармақтарының ережелерін ескере отырып, төрт жауапкерден талапкер күтіміне алимент істі қарау кезінде қолданыста болған 7 еселенген айлық есептік көрсеткіш мөлшерінде өндірілді. Сот сонымен қатар кейбірінің асырауында мүгедек және кәмелетке толмаған балаларының болуын ескерді», деп мәлімдеді Ақтөбе сотының баспасөз қызметі.
Сот шешімімен талап арыз ішінара қанағаттандырылып: төрт жауапкерден анасының пайдасына: асырап-бағу үшін 7 АЕК (25 844 теңге) көлемінде алимент өндірілді.
Жаңалықтар
- «Челси» жанкүйерлері Алматыда Борат баннерімен көзге түсті
- Сот залында өзіне қол салған қыздың анасы іске қатысты тың ақпаратты жайып салды
- Енді Назарбаев және оның отбасының денсаулығы мен жеке өмірі құпия болады
- Жетісуға келген Тоқаев №30 мектепке автобус сыйлады
- Малибуда орман өрті жалғасуда: мыңдаған тұрғын үйлерін тастап кетуге мәжбүр
- Шығыс Қазақстан облысының тұрғыны уақыт белдеуіне қатысты үкіметке қарсы шықты
- Шерзаттың өлімі: Айтбек Амангелді полиция берген ақпаратты жоққа шығарды
- Атырауда жылу құбырынан екі адамның мәйіті табылды
- Солтүстікте ондаған ауыл жойылып кету алдында тұр
- Қырғызстанда ТЖМ-ның бұрынғы басшысы қолға түсті
- Halyk еліміздің 6 өңірінде журналистерге семинар-тренинг өткізді
- Маңғыстаудағы жаппай улану оқиғасы: тергеу аяқталды, кінәлі кім?
- ШҚО бас экологы шенеуніктердің туыстарының қайсысына табиғатқа зиян келтіруге рұқсат берді
- Оңтүстік Корея президентінің әйелі де күдікке ілінді
- Тоқаев ресейлік саясаткер Валентина Матвиенкомен кездесті
- Депутат жануарларды кастрациялауды өзінің мүшесін алып тастаумен салыстырды
- Қаржаубайға қатысты қылмыстық іс: полиция түсініктеме берді
- «Шерзат үшін»: Астанада жалғыз наразылық танытқан ер адамды полиция ұстап әкетті
- Құлыбаевқа жақын дипломат президент жарлығымен қызметінен айырылды
- Алматыда зағип жандар үшін жол қауіпсіздігі сақталмаған
