9 жыл іздеуде жүрген күдікті Өскеменде ұшақтан түскен сәтте ұсталды

Өскемен әуежайында тоғыз жыл бойы іздеуде болған алаяқ ұсталды, деп хабарлайды Orda.kz.

Шығыс Қазақстан облысы полиция департаментінің мәліметінше, 38 жастағы ер адам 5 миллион теңгеге жуық қаржы жымқырды деген күдікпен 2016 жылдан бері іздеуде жүрген.

«Қылмыстық іс материалдарына сәйкес, ол азаматтарды алдап, ақшасын иемденген. Осы уақыт ішінде ол үнемі мекенжайын ауыстырып, көпшілік орындарда көрінбеуге тырысқан»,  деп хабарлады полиция.

Полиция қызметкерлері күдіктіні Өскеменге ұшып келген бойда ұстады. Қазір ол уақытша ұстау изоляторына қамалды.

Еске сала кетейік, Қызылордада мектеп мұғалімі әйелін балтамен аяусыз соққыға жыққаны үшін ұсталды.