9 жасар қазақстандық джиу-джитсудан әлем чемпионы атанды

Астаналық жас қыз Біріккен Араб Әмірліктерінде өткен жарыста клубтық командалар арасында джи-джитсудан әлем чемпионы атанды. Мектеп оқушысы жарыста алтын медаль еншіледі.

Астана телеарнасының хабарлауынша, барлығы Қазақстан құрамасының қоржынында 8 бірінші орын, 7 күміс және 2 қола медаль бар.

9 жасар Ясмин Марат джиу-джитсудан жаңа әлем чемпионы атанды. Бұл жас спортшы үшін мұндай ауқымдағы бірінші турнир.

«Мен жеңетініме сенімді болдым. Екіншіден басқа қарсыластар мықты болмады. Маған чемпионаттарға барған ұнайды, онда менің достарым бар, мен өзімді қорғай аламын» деді Ясмин.

Сондай-ақ, осы уақытта Абу-Дабиде ұлттық құрамалар арасындағы ресми әлем чемпионаты өтті.

Онда Қазақстан құрамасы 3-ші орынды иеленді. Жамал Рузахунов сайыстан қоламен оралды. Ол 7 жасынан бастап татамиге шығып, республикалық құраманың мүшесі болып келеді.

«Бұл ұмытылмас эмоциялар, өте керемет. Барлық жұмыс өз жемісін берді. Күні бойы жаттығып, салмақ түсірдік. Бұл менің ең басты мақсатым болды – әлем чемпионатында жеңіске жету. Мен қиындықтарды жеңіп, жетістікке жеттім» деді джиу-джитсудан әлем жүлдегері Жамал Рузахунов.

Қазір спортшылар келесі республикалық турнирге дайындалуда. Одан кейін олар желтоқсан айының соңында Мәскеуде өтетін АСВ әлем чемпионатында кездеседі.