9 өңірде ескерту: 42 градусқа дейінгі ыстық, шаңды дауыл

Қазгидромет 23 мамыр күні ауа райының бұзылатынын ескертіп,  бірнеше өңірде ескерту жариялады.

Синоптиктер  күндіз Маңғыстау облысында шаңды дауыл болатынын ескертті. Оңтүстік-шығыстан, оңтүстіктен соғатын желдің күші кей жерлерде 15-18 м/с артады. Күндіз жекелеген аумақтарда 38-42 градус қатты ыстық болады.

Батыс Қазақстан облысында 39 градусқа дейін қатты ыстық болады. Жел оңтүстік-шығыстан, оңтүстіктен соғып, күндіз екпіні 15-20 м/с құрайды. Қызылорда облысының кей жерлерінде шаңды дауыл тұрады. Солтүстік-шығыстан соғатын желдің жылдамдығы 25 м/с артуы ықтимал. Атырау облысында кей жерлерде шаңды дауыл күтіледі. Оңтүстік-шығыстан жел соғып, күші жекелеген аумақтарда 15-20 м/с болады. Күндіз 39 градус қатты ыстық сақталады. Күндіз Түркістан облысының тауларында найзағай ойнап,кей жерлерде шаңды дауыл тұрады. Солтүстік-шығыстан соғатын желдің күші 15-20 м/с, екпіні 23 м/с жетеді.

Шымкент қаласында солтүстік-шығыстан 15-20 м/с күшпен жел соғады. Күндіз Қостанай облысында 36 градусқа дейін қатты ыстық. Күндіз Солтүстік Қазақстан облысында оңтүстік-батыстан жел соғып, кей жерлерде күші 25 м/с жетеді. 35-36 градус ыстық болжанады. Күндіз 23-25 мамырда Жамбыл облысында тауда найзағай, бұршақ жауады. 23-25 мамырда кей жерлерде солтүстік-шығыстан жел соғып, екпіні 25 м/с жетеді.