«87 мың теңге»: Қазақстандықтар Республика күніне орай біржолғы төлем алады

Республика күніне орай Қарағанды әкімдігі ҰОС қатысушылары мен барлық топтағы мүгедектерге, АИТВ инфекциясымен ауыратын балаларға біржолғы төлем береді, деп хабарлайды Orda.kz.

Қарағанды әкімдігі азаматтарға Республика күніне орай төленетін біржолғы төлем туралы хабарлады.

Мүгедектігі бар адамдар мерекеде 20 мың теңгеден алады. Қарағандыда олардың саны 22,5 мыңнан асады. АИТВ-мен ауыратын балаларға 87 мың теңгеден төленеді. Туберкулезбен ауыратын қарағандылықтар 18 мың теңге төлем алады.

ҰОС қатысушылары мен мүгедектеріне 15 мың теңгеден төленеді. Жауынгер ардагерлер мен Чернобыльдағы атом электр станциясындағы апатты жоюға қатысқандар 44 мың теңгеден алады.