Референдум: Елордада бақылаушылар қысым көргенін айтты

«Еркіндік Қанаты» ҚҚ бақылаушылары референдум кезінде қысым көргендерін хабарлады. Қор белсенділері елорданың 57 сайлау учаскесінде жұмыс істеп жатыр, бірақ олардың үшеуінен бақылаушыларды алып тастады.

– Республикалық референдумда дауыс беру басталғаннан бері біздің бақылаушыларымызға учаскеден шығару туралы 9 акт жазылды. Біздің ойымызша, бұл – біздің қордың бақылаушыларын мақсатты түрде қудалау, - деп жазды қордың белсенділері өздерінің Instagram парақшасында. 

«Еркіндік Қанаты» ҚҚ атқарушы директоры Елена Шевцова Orda.kz редакциясына жүгініп, өз ойымен бөлісті.  Ол бақылаушыларға сайлау учаскесінде жүруге, сондай-ақ бейнежазба түсіруге және суретке түсіруге рұқсат етілмейтінін айтты.

Сонымен қатар, Елена Шевцова «Еркіндік Қанаты» ҚҚ мониторингтік тобының үйлестірушісіне жасалған шабуыл туралы айтып берді .