800 бас: Қарағанды облысында мал жұқпалы аурудан қырылып жатыр
Қарағанды облысында мал жұқпалы аурудан қырылып жатыр. Шет ауданындағы шаруа қожалықтарында бір айдан бері 800-ге жуық сиыр ауруға шалдыққан.
Астана телеарнасының хабарлауынша, ірі қараның қызуы көтеріліп, тыныс алу жолы мен көзі зақымданып жатыр. Ауданда екі жыл қатарынан малға ешқандай екпе салынбағаны да белгілі болды.
«Екі жылдан бері сиырларға вакцина жасалмады. Мал ауырып қалғанда дәрігерлерді шақырдық. Содан кейін ғана вакцина салды. Қалған дәрілерді өзіміз сатып алдық. Бірақ ветеринарлардың неге екпе салмайтыны түсініксіз. Үкімет бұған қаржы бөлуі керек. Сиырлар ауырып қалмас үшін уақтылы екпе салуын сұраймыз. Ауылда мал шаруашылығымен айналысатындар көп. Бұл біздің жалғыз табыс көзіміз» дейді Шет ауданы Ақжал ауылының тұрғыны Сәуле.
Ауруды емдеуге болады, бірақ ол өте ұзақ уақыт пен үлкен шығынды қажет етеді. Қазірдің өзінде 6 сиыр өліп қалды. Инфекция бірден алты ауылды қамтыды, деп хабарлады облыстық ветеринарлық бақылау инспекциясы.
Мал дәрігерлерінің айтуынша, сиырлар жұқпалы ринотрахеитпен және вирустық диареямен ауырады. Шет өңірінде бұл жұқпалы аурулар көптен бері байқалмағандықтан, екпе егу көрсеткіштері де болмаған. Бірақ ауру басталғаннан кейін 1300 басқа вакцина егілген. Тұрмыстық залалсыздандыру жұмыстары жүргізілуде.
Дер кезінде шара қолданбаса, ауру облыстың басқа аудандарына да жетуі мүмкін.
«Адамға бұл ауру жұқпайды, негізінен ірі қара мал ауырады, қалған ұсақ малдарға жұқпайды. Бұл жұқпалы ауру, дерт қайдан шықты десек, Ақжал ауылының өзі жолдың бойында. Бұған жол бойына басқа малдың тасымалдануы әсер еткен болуы мүмкін. Немесе карантиннен өтпеген ауылға тіркелмеген сиырлар әкелінді» деп атап өтті ҚР Ауыл шаруашылығы министрлігі Ветеринарлық бақылау комитетінің облыстық инспекциясы басшының міндетін атқарушы Данияр Мерғазин.
Жаңалықтар
- Тараз полицейлері тыныс алуы тоқтаған баланы аман алып қалды
- Су басқан аймақтардағы оқушылар емтиханнан босатылады
- Су басқан аймақтардағы оқушылар емтиханнан босатылады
- Лудомандар санын азайту үшін 80 млн теңге бөлінуі мүмкін
- Новороссийскіге ұшқышсыз шабуыл: Қазақстан мұнайының экспортына қауіп төніп тұр ма?
- БҚО-да түлектердің ақшасына жасалған ұстазға арналған ескерткіш бұзылды
- Антикор Ауыл шаруашылығы министрлігіндегі пара алу ісі бойынша тергеуді аяқтады
- Алматыда жаңа саябақ пайда болады
- Бүгін Қасым-Жомарт Тоқаевтың туған күні
- Ұлттық экономика вице-министрі қызметінен кетті
- Ералы Тоғжанов премьер-министрдің кеңесшісі болып тағайындалды
- Алматы мен Алматы облысында өзен тасуы мүмкін
- Семейде бір ай бұрын жоғалып кеткен қыздың денесі табылды
- TikTok жұлдызы Мұрат Әбділданың мерзімінен бұрын босату туралы өтініші қаралды
- Мемлекет басшысы биліктегі біршама тұлғаларды орнынан босатып, біразын тағайындады
- Үйі жоқ халықты коммуналдық төлемдерден босату қаншалық орынды?
- Футбол добының орнына кірпі: Ақтөбеде жігіттерге қатысты қылмыстық іс қозғалды
- «Самұрық-Қазына» өзінің еншілес ұйымына екі ірі су электр стансасын берді
- Мемлекет басшысы Малайзия Премьер-министрі Ануар Ибрагиммен кездесті
- Дұғалар, прокуратура, облыс әкімі және Атыраудан жүк көлігі: Құлсарыдағы митинг жалғасып жатыр