«80 млн теңге аудармасаң, мектепті жарамыз»: Атырауда мұғалімді бопсалады

Атырауда №3 мектептің тарих пәні мұғаліміне белгісіз адам 80 миллион теңгені банк шотына аудармасаң, мектепті жарып жібереміз деп талап еткен, деп хабарлайды Orda.kz.

Мұғалім дереу арада полицияға жүгінген, құқық қорғаушылар жедел әрекет етіп, мектеп ғимаратына мұқият тексеріс жүргізді, күдікті зат табылмады.

«Қасақана жалған терроризм актісі туралы хабарлама» бабы бойынша қылмыстық іс қозғалды. Тергеу жүргізілуде», деп мәлімдеді Атырау облыстық полиция департаменті.  

Сондай-ақ, тарих пәні мұғаліміне қорқыту хабарламасын кім жібергені анықталып жатыр.