8 наурызда Алматыда бір топ феминистік ұйымдардың митингі өтті

Orda.kz тілшісі М.Ганди атындағы саябақта кем дегенде 500 адам жиналғанын хабарлайды. Белсенділер биылғы жылы 8 наурызда «Еркіндік үшін. Сексуалдық зорлық-зомбылыққа қарсы» тақырыбын көтерген.

Саябақтағы митинг үшін салынған алаң  мен  мінбер  жаны келушілерге толы.

Хабарланғандай, бастапқыда ұйымдастырушылар шеру өткізуді жоспарлаған, бірақ оны қала әкімдігі мақұлдамаған.

Дәстүр бойынша қатысушылар өздерімен бірге тақырыптық плакаттарды ала келді.

Бұған дейін әкімдік белгіленген уақытта бұл орынды «Еріктілер лигасы» иеленетінін алға тартып, белсенділерге шеру өткізуге де рұқсат бермеген болатын. Ал белсенділердің өз уәждері бар көрінеді. Олар керісінше, бас тартуға өздері көтерген «ыңғайсыз тақырыптар» себеп деп санайды.

2017 жылдан бастап 8 наурызға арналған күн тәртібіндегі түрлі митингілер жыл сайын өткізіліп келеді.