8 маусымға ауа райы болжамы: қатты аптап ыстық пен найзағай ойнаған жаңбыр

Синоптиктер 8 маусымға Қазақстанның ауа райы болжамын ұсынды. Елдің әр өңірінде бұршақ жауып, найзағай ойнайды.

«Республиканың оңтүстік-батысында, солтүстік-батысында, солтүстігінде, орталығында және оңтүстік-шығысында найзағай ойнап, жаңбыр жауады. Бұршақ жаууы мүмкін. Қазақстан Республикасының қалған аумағында жауын-шашынсыз ауа райы сақталады» делінген Қазгидромет хабарламасында.

Республикада жел күшейеді, оңтүстік-батыста, солтүстікте шаңды дауыл соғады.

Қостанай облысының солтүстігінде, батысында күн күркіреп, бұршақ жаууы мүмкін, түнде солтүстікте, батыста, күндіз облыстың басым бөлігінде жел күшейеді.

Солтүстік Қазақстан облысының солтүстігінде, батысында, шығысында – күн күркіреп, бұршақ жауады, облыстың солтүстігінде, шығысында жел күшейеді.

Ақмола облысының солтүстігінде, батысында – күн күркіреп, бұршақ жауады, облыстың оңтүстік-шығысында шаңды дауыл соғады, облыстың солтүстігінде, батысында, шығысында жел күшейеді.

Күндіз Алматы облысының таулы аймақтарында – найзағай ойнайды, Жалаңашкөл және облыстың таулы аймақтарында жел күшейеді.

Маңғыстау облысының оңтүстігінде – күн күркіреп, шаңды дауыл соғады, түнде оңтүстікте, күндіз батыста, оңтүстікте, шығыста – жел күшейеді.

Күндіз Жамбыл облысының таулы аймақтарында – күн күркіреп, бұршақ жауады, түнде облыстың солтүстік-шығысында, таулы аймақтарда жел күшейеді.

Күндіз Қарағанды ​​облысының солтүстігінде, батысында – найзағай ойнайды, облыстың батысында, солтүстігінде, шығысында – жел күшейеді.

Күндіз Қызылорда облысының орталығында – шаңды дауыл, облыс орталығында, оңтүстігінде жел күшейеді.

Ақтөбе облысының солтүстігінде, шығысында, күндіз солтүстік жартысында, Батыс Қазақстан облысының шығысында, солтүстікте, Павлодар облысының орталығында жел күшейеді.

Күндіз Алматы, Қызылорда, Жамбыл облыстарында, Түркістан облысының батысында, солтүстігінде, Қарағанды ​​облысының оңтүстігінде қатты аптап ыстық болады.

Қызылорда облысының орталығында, батысында, Қарағанды ​​облысының шығысында, Алматы облысының батысында, Қостанай облысының оңтүстігінде, Ақтөбе облысының шығысында төтенше өрт қаупі бар.

Нұр-Сұлтанда көшпелі бұлт шығады, жауын-шашынсыз. Күндіз шаңды дауыл. Оңтүстік, оңтүстік-батыстан 9-14 м/с жел соғады, екпіні 15-20 м/с. Ауа температурасы түнде +19…+21°С, күндіз +30…+32°С.

Алматыда көшпелі бұлт шығады, жауын-шашынсыз. Құбылмалы жел 2-7 м/с. Ауа температурасы түнде +16…+18°С, күндіз +30…+32°С.

Шымкентте көшпелі бұлт шығады, жауын-шашынсыз. Оңтүстік-шығыстан 3-8 м/с жел соғады. Ауа температурасы түнде +18…+20°С, күндіз +35…+37°С.